Memleket basshysy Halyqaralyq beıbitshilik jáne senim jylyna, Halyqaralyq beıtaraptyq kúni men Túrikmenstannyń turaqty beıtaraptyǵynyń 30 jyldyǵyna arnalǵan forýmǵa qatysty
Qasym-Jomart Toqaev túrikmen halqynyń Ult kóshbasshysy Gýrbangýly Berdimuhamedov pen Prezıdent Serdar Berdimuhamedovti Túrikmenstannyń turaqty beıtaraptyǵynyń 30 jyldyǵymen quttyqtady, - dep habarlaıdy Aqshamnews.kz Aqordaǵa silteme jasap.
Memleket basshysy Túrikmenstannyń saıası ustanymy tutas Eýrazıa qurlyǵynyń turaqtylyǵy men ornyqty damýyna eleýli úles qosqanyn atap ótti. Atalǵan forýmda kóterilgen bastamalar HHİ ǵasyrdaǵy beıtaraptyqtyń mán-mańyzyna jańasha kózqaras qalyptastyrady. Qazaqstan Prezıdenti Túrikmenstannyń beıtarap saıası ustanymy túrikmen halqynyń san ǵasyrlyq mádenı dástúrimen jáne rýhanı qundylyqtarymen úılesetinin aıtty.
– Túrikmen klasıkalyq ádebıetiniń negizin qalaýshy, Shyǵystyń kórnekti oıshyly Maqtymquly Pyraǵy: «Tynyshtyq bolsa el ósedi, ádildik bolsa senim kúsheıedi» degen. Uly danyshpannyń dúnıeni tereń tanyǵan ıdeıalary qazirgideı almaǵaıyp halyqaralyq jaǵdaıda da óte ózekti bola túskeni sózsiz, – dedi Qasym-Jomart Toqaev.