Almaty qalasynyń ákimi Darhan Satybaldy Túrksib aýdanyn jumys saparymen aralap, qalalyq ortany jaqsartýǵa jáne turǵyndardyń ómir súrý sapasyn arttyrýǵa baǵyttalǵan negizgi aýmaqtardy kóriktendirý josparlary jáne jobalarymen tanysty, - dep habarlaıdy Aqshamnews.kz.
Jumys sapary aıasynda qala ákimine «Qasbetten qasbetke deıin» qaǵıdaty boıynsha Sholohov kóshesin Súıinbaı daıńǵylynan Erjanov kóshesine deıingi aralyqta ortasha jóndeý jospary tanystyryldy. Bul aýmaqta aýdannyń eń júktemesi joǵary kósheleriniń birin keshendi kóriktendirý kózdelgen. Joba aıasynda jol jáne júrginshi ınfraqurylymyn jańartý, syrtqy jaryqtandyrýdy jańǵyrtý, sáýlettik nysandar ornatý, jasyl aımaqty damytý jáne kóshe jıhazdaryn ornalastyrý josparlanyp otyr. Qurylys-montaj jumystary 2026 jylǵa belgilengen.
Sondaı-aq Maıboroda kóshesinde Seıfýllın dańǵylynan Baıkalskaıa kóshesine deıin júrginshiler aımaǵyn qurý máselesine erekshe nazar aýdaryldy. Joba trotýarlardy kóriktendirýdi, shaǵyn sáýlet nysandaryn ornatýdy, kógaldandyrý jumystaryn júrgizýdi jáne serýendeýge qolaıly qoǵamdyq keńistik qalyptastyrýdy qamtıdy. Jobany iske asyrý kezeń-kezeńimen josparlanyp otyr.
Darhan Satybaldy turǵyndardyń jaılylyǵyna baǵyttalǵan zamanaýı, qaýipsiz ári kóriktendirilgen qalalyq ortany qalyptastyrýdyń mańyzyn atap ótti. Atalǵan jobalardy iske asyrý kólik baılanysyn jaqsartýǵa, aýdannyń týrısik tartymdylyǵyn arttyrýǵa, sondaı-aq kásipkerlikti damytý úshin qosymsha múmkindikter jasaýǵa yqpal etedi.
Túrksib aýdanynda júrgizilip jatqan jumystar qala ınfraqurylymyn jańǵyrtý jáne qalalyq ortanyń sapasyn arttyrýǵa baǵyttalǵan.
