Qazaqstan Prezıdentíníń paıymdauynsha, jahandyq su dıplomatıyasyn damytuda memleketter arasyndaǵy yqpaldastyqtyń mańyzy zor.
Būl turaly Qazaqstan Prezıdentí Túríkmenstandaǵy forumda aıtty, - dep habarlaıdy Aqshamnews.kz.
– BŪŪ júıesínde tek su máselesímen aınalysatyn arnauly qūrylym joq. Būl túıtkíldí tez arada sheshken jón. Qazaqstan Halyqaralyq su ūıymyn qūrudy ūsynady. Sol arqyly BŪŪ ayasyndaǵy túrlí ūıymdardyń barlyq mandatyn bír maqsatqa jūmyldyruǵa bolady. UN-Water vedomstvoaralyq tetígín BŪŪ-nyń tolyqqandy arnauly agenttígíne nemese ūıymyna aınaldyru ońtaıly sheshím bolar edí. Mūndaı bastamany íske asyru BŪŪ-nyń ornyqty damu maqsattary men barsha halyqaralyq qoǵamdastyqtyń múddesíne saı keledí. Kelesí jyly sáuír aıynda Astanada Aımaqtyq ekologıyalyq sammıt ótedí. Atalǵan jıynda Qazaqstan jahandyq su ūıymyn qūru turaly halyqaralyq konsultatsıya protsesín bastauǵa nıettí. Ortaq sayası erík-jígerdíń arqasynda kún tártíbíndegí sudyń ózektí máselelerí júıelí túrde sheshíle bastaıtynyna senímím kámíl, – dedí Memleket basshysy.
Qazaqstan Prezıdentí sózín qorytyndylaı kele, Ashhabad forumy múddelí memleketterdíń jasampaz seríktestígín nyǵaıtuǵa jáne álemde ádílettí tártíp qalyptastyrudy kózdeıtín halyqaralyq kúsh-jígerge tyń serpín beretíníne sením bíldírdí.