12 kún demalatyn bolady.
Aldaǵy naýryz aıynda qazaqstandyqtar meıramdar men demalys kúnderdi qosqanda 12 kún demalatyn bolady, dep habarlaıdy Almaty-akshamy.kz.
Naýryz aıynda qazaqstandyqtar eki resmı meıramdy, ıaǵnı Halyqaralyq áıelder kúni jáne Naýryz meıramyn toılaıdy.
Halyqaralyq áıelder kúni merekesine oraı qazaqstandyqtar úsh kún demalady – 6, 7 jáne 8 naýryz. Bul mereke seısenbi 8 naýryzǵa túsetindikten, 5 naýryz jumys kúni, al dúısenbi, 7 naýryz, demalys kúni bolady.
Al Naýryz meıramy 21-23 naýryz aralyǵynda atalyp ótedi. 19 jáne 20 naýryz senbi jáne jeksenbi kúnderine sáıkes kelip tur. Osylaısha, naýryzda qazaqstandyqtar birden bes kún – 19, 20, 21, 22 jáne 23 naýryzda demalady.
Eske sala ketsek, ulttyq jáne memlekettik mereke kúnderi elimizde resmı túrde demalys kúni bop jarıalanady. Eger mereke jáne demalys bir kúnge sáıkes kelse, demalys kúni merekeden keıingi jumys kúni bolyp esepteledi.