Almaty qalasynda bul kórsetkish 112,7% qurady.
Qazaqstan Úkimeti óndiris kóleminiń óskenin aıtyp otyr, dep habarlaıdy Almaty-akshamy.kz.
«Óndiris kóleminiń ósýi respýblıkanyń 15 óńirinde tirkeldi, aıtarlyqtaı ósim Almaty qalasy (112,7%), Aqmola (109%), Atyraý (108,7%) jáne Jambyl (108%) oblystarynyń enshisinde. Bul rette tómendeý Qyzylorda (3,9%-ǵa) jáne Pavlodar (0,8%-ǵa) oblystarynda tirkeldi», - delingen Ulttyq statısıka búrosynyń habarlamasynda.
2022 jylǵy qańtar-mamyrda 19 506 mlrd teńge ónerkásip ónimi, onyń ishinde taý-ken óndirý ónerkásibi salasynda 10 257 mlrd teńge (jalpy kólemnen 52,6%), óńdeý ónerkásibinde 8 082 mlrd teńge (41,4%) ónim óndirildi.
2021 jylǵy qańtar-mamyrmen salystyrǵanda shıki munaı (104,7%) jáne tabıǵı gaz óndirý (106,3%), sýsyndar (118,3%), temeki ónimderi (116,8%), hımıa (110,9%) jáne metalýrgıa ónerkásibi (103,1%), rezeńke jáne plasmassa buıymdary (111,4%), farmasevtıka (104,7%) jáne ózge de beımetall mıneraldyq ónimder (105,2%) óndirisiniń ósýi baıqaldy.