Olardyń arasynda balalar joq.
Epıdemıalyq maýsym bastalǵannan beri elimizde tumaýdan bes adam kóz jumdy. Bul týraly Densaýlyq saqtaý vıse-mınıstri Aıjan Esmaǵambetova Ortalyq komýnıkasıalar qyzmetinde ótken brıfıńte málimdedi, dep habarlaıdy Almaty-akshamy.kz Inbusiness.kz cilteme jasap.
"Epıdemıalyq maýsym bastalǵannan beri tumaýdan bes adam qaıtys boldy. Olardyń arasynda balalar joq", - dep jaýap berdi vıse-mınıstr tilshilerdiń saýalyna.
Spıkerdiń aıtýynsha, 1 qazannan bastap elde JRVI-diń 2,2 mln jaǵdaıy, tumaýdyń 2 284 jaǵdaıy tirkelgen. Aýyrǵandardyń 65%-y – 14 jasqa deıingi balalar.
"JRVI jáne tumaý maýsymy jyl saıyn qazan-sáýir aılarynda ótedi. Bıylǵy epıdemıologıalyq maýsym tumaý vırýsy aınalymynyń erte bastalýymen sıpattaldy. Ótken jyldyń sáıkes kezeńimen salystyrǵanda JRVI-men syrqattanýshylyq 10%-ǵa artty", - dedi ol.
Aıjan Esmaǵambetova keltirgen derekterge sáıkes, qazanda respýblıka boıynsha 2,4 mln adam tumaýǵa qarsy ekpe aldy. Olardyń arasynda 14 jasqa deıingi balalar 518 myń bolsa, eresekter sany – 1,8 mln.