Senim kabınetterinde 215 adam konsýltasıa aldy.
«Pedagogıkalyq Ǵylymdar Akademıasy» qoǵamdyq birlestigi Almaty qalasy Qoǵamdyq damý basqarmasynyń qoldaýymen «Otbasy ınstıtýty» áleýmettik jobasyn júzege asyrýda, dep habarlaıdy Almaty-akshamy.kz.
Turmystyq zorlyq-zombylyqtyń aldyn-alý, otbasy qundylyqtaryn arttyrý, jastar arasynda otbasy ınstıtýtyn nyǵaıtý, jastarǵa kómek kórsetý maqsatynda Almatynyń 8 aýdanynda senim kabınetteri ashylyp, olardyń jumysy uıymdastyryldy, Senim kabınetterin resimdeýde biryńǵaı logotıp qoldanylyp, 8 paýchoktar men 8 aqparattyq stend daıyndaldy. AHAT jáne daǵdarys ortalyqtarymen birlese otyryp kóptegen jumystar jasaldy. Senim kabınetterinde 215 adam konsýltasıa aldy.
Otbasy ınstıtýtyn nyǵaıtý jáne turmystyq zorlyq-zombylyqtyń aldyn alý týraly memlekettik jáne orys tilderinde anonstyq jáne «Otbasy degen ne?» degen taqyrypta sújettik beınerolık daıyndaldy.
Otbasylarda tıimdi qarym-qatynas qurý jáne otbasylyq qatynastardyń basqa da aspektileri boıynsha, turmystyq zorlyq-zombylyqtyń aldyn alý máseleleri boıynsha jastar jáne jas otbasylarmen 10 kezdesý uıymdastyryldy. Kezdesýge 211 adam qatysyp, óz pikirlerin qaldyrdy.
Otbasyn qurý, otbasy ınstıtýtyn nyǵaıtý jáne turmystyq zorlyq-zombylyqtyń aldyn alý boıynsha qalanyń JOO men TjKB-da onlaın/oflaın formatynda dáris jáne semınar-trenıngter ótkizildi. Semınarǵa 1537 adam qatysty.
23-27 tamyz aralyǵynda Qazaqstan Respýblıkasynyń Konstıtýsıa kúnine arnalǵan «Ashyq esik kúnderi» aksıasy ótkizildi. Aksıaǵa qatysýǵa jastar, otbasylar, jas otbasylar shaqyryldy. «Ashyq esik kúnderi» Almaty qalasynyń 8 aýdanynda, onlaın rejıminde ótti. Oǵan kóptegen adamdar turmystyq suraqtarmen kelip, mamandardan keńes aldy, turaqty konsýltasıaǵa jazylǵandar da boldy. Konfıdensıaldylyq qamtamasyz etildi.
Áleýmettik jelilerde jobany ilgeriletý jáne tanymal etý maqsatynda 3 paraqsha bar: Instagram, Facebook, Vkontakte. Jalpy oqyrmandar sany – 6138, jarıalanymdar sany –174 boldy.
Joba aıasynda berilgen konsýltasıalardyń arqasynda 50-ge jýyq adam (qyzmet alýshy) medıatıvti kelisimge kelip, otbasyn saqtap qaldy.