Eń tómengi kúnkóris deńgeıi 48,1 myń teńgeni qurady.
2022 jyldyń qazan aıynda elimizde eń tómengi kúnkóris deńgeıi 48,1 myń teńgeni qurady. Bul byltyrǵyǵa qaraǵanda 17,1%-ǵa artyq, dep jazady Almaty-akshamy.kz Finprom.kz saıtyna silteme jasap.
Respýblıka boıynsha eń tómengi kúnkóris deńgeıiniń joǵary shamasy Mańǵystaý oblysynda baıqaldy (60,8 myń tg). Odan keıingi oryndarda Astana (52,6 myń tg) jáne Almaty (51,5 myń tg) qalalary ornalasqan. Bestikter qataryna Shyǵys Qazaqstan (50,1 myń teńge) men Aqmola (48,1 myń teńge) oblystary kirdi.
Eń tómengi kúnkóris deńgeıi Qyzylorda, Túrkistan jáne Batys Qazaqstan oblystarynda tirkeldi.
Er adamdar úshin eń tómengi kúnkóris deńgeıiniń eń tómen kórsetkishi 1-3 jas aralyǵyndaǵy balalarda (37,3 myń tg), al eń joǵary kórsetkish 14-17 jas aralyǵyndaǵy jasóspirimderde (60,1 myń tg) tirkeldi.
Eń tómengi kúnkóris deńgeıi 1-3 jastaǵy qyz balalar úshin – 36,5 myń tg, 14-17 jastaǵy qyzdar úshin 46,1 myń tg bolyp belgilendi.
Qazaqstanda er adamdardyń eń tómengi kúnkóris deńgeıi áıelderdikine qaraǵanda edáýir joǵary.
