Bul qyzmet jumysqa ornalastyrýdy jedeldetýge múmkindik beredi.
Qazaqstan Úkimeti jumysqa ornalastyrýdy jeńildetý úshin jańa servısti iske qosty, dep habarlaıdy Almaty-akshamy.kz.
«QR Eńbek jáne halyqty áleýmettik qorǵaý mınıstrligi Memleket basshysynyń tapsyrmasyn oryndaý aıasynda «Elektrondyq jeke is» jańa servısin iske qosty, ol jumysqa ornalasý prosesin jedeldetýge jáne qyzmetkerdiń jumys berýshige derekterdi qaǵaz jetkizgishte berý qajettiligin boldyrmaýǵa múmkindik beredi», - delingen mınıstrlik habarlamasynda.
Engizilgen servıstiń arqasynda áleýetti qyzmetkerdiń túıindemesin qaraý jáne ony odan ári resimdeý kezinde jumys berýshi qyzmetkerdiń jeke isin elektrondyq formatta alý úshin Eńbek sharttaryn esepke alýdyń biryńǵaı júıesine suraý salýdy júzege asyra alady.
«Jumys berýshilerdiń kóbi áli kúnge deıin qyzmetkerlerden eńbek kitapshasyn, jeke paraq pen ómirbaıandy jazbasha tapsyrýdy talap etedi. Azamattardyń buǵan narazylyq bildirýi oryndy. Mundaı eski tásilderden arylý qajet», – dedi QR Prezıdenti Qasym-Jomart Toqaev Ulttyq qoǵamdyq senim keńesiniń VI otyrysynda.
Jumys berýshi Eńbek kodeksinde sıpattalǵan sharttar sheńberinde mynadaı kez kelgen aqparatty: jeke kýálik derekterin, fotosýret, bilimi jáne otbasy músheleri týraly aqparat, vaksınasıa, ESHEBJ-dan jumys tájirıbesi týraly aqparatty suratýǵa quqyly. Budan basqa, mynadaı elektrondyq anyqtamalardy alýǵa bolady:
– sottylyqtyń bolmaýy/bolýy týraly;
– psıhonevrologıalyq, narkologıalyq jáne týberkýlezge qarsy dıspanserlerde esepke alý týraly;
– 0/75ý anyqtama;
– múgedektik týraly anyqtama.
Bul rette jumyskerge sms-habarlama arqyly nemese Elektrondyq eńbek bırjasy portalyndaǵy jeke kabınetke áleýetti jumys berýshige óz derekterin usynýǵa suraý keledi. Oń jaýap alǵannan keıin, ESHEBJ jeke iske qol jetkizýge múmkindik beredi. Onyń negizinde jumys berýshi qyzmetkerdi jumysqa qabyldaý jáne onymen eńbek shartyn jasasý týraly sheshim qabyldaıdy. Osy jerde elektrondyq eńbek shartynyń jobasyn jasaýǵa bolady.
ESHEBJ qyzmetkerdiń saýalǵa jaýabyn kúntizbelik 7 kún ishinde kútetinin atap ótken jón. Bas tartylǵan nemese jaýap bolmaǵan jaǵdaıda, jumys berýshige derekterdi usynýdan bas tartylady. Kelisim aqparat suraǵan uıymdaǵy barlyq jumys merzimine jaramdy bolady. Eger kelisim jasalmasa nemese buzylsa, kelisim avtomatty túrde zańsyz bolyp sanalady.
«Elektrondyq jeke is» servısi qujattardy qoldan jasaý táýekelin boldyrmaıdy jáne eńbek sharttaryn jasasý kezinde qaǵaz qujattardy usynýdan bas tartý arqyly jumysqa ornalastyrýdy jedeldetýge múmkindik beredi.
Qazirgi ýaqytta jumys berýshiler servısti EEB nemese kásiporyndaǵy kadrlyq eseptiń aqparattyq júıeleri arqyly paıdalana alady. Budan ári bul fýnksıonal ázirlenip jatqan eńbek resýrstary portalynda qoljetimdi bolady.
Qyzmetkerdiń jeke isin usyný servısi sheńberinde ESHEBJ QR Eńbek jáne halyqty áleýmettik qorǵaý mınıstrliginiń, QR Ádilet mınıstrliginiń, QR Bilim jáne ǵylym mınıstrliginiń, QR Densaýlyq saqtaý mınıstrliginiń aqparattyq júıelerimen, sondaı-aq QR Bas prokýratýrasynyń Quqyqtyq statısıka jáne arnaıy esepke alý komıtetimen biriktirilgen.