«Talıban» qozǵalysynyń ókili Mýdjahıd Qytaıdy qozǵalystyń basty seriktesi dep málimdedi.
«Talıban» qozǵalysy Qytaıdy óziniń basty sheteldik seriktestigi retinde qabyldaıdy. Bul týraly qozǵalystyń ókili Zabıýlla Mýdjahıd aıtty, dep habarlaıdy Almaty-akshamy.kz Lenta.ru cilteme jasap.
«Qytaı (...) bizge negizgi jáne aıryqsha múmkindik beredi, sebebi ol bizdiń elge ınvestısıa salýǵa daıyn», - dedi Talıban ókili. Onyń aıtýynsha, QHR soǵystan keıin Aýǵanstandy qalpyna keltirýde jaýyngerlerge kómek kórsetedi.
Terrorıst Qytaıdyń «Bir beldeý - bir jol» ekonomıkalyq jobasyn joǵary baǵalap, osylaısha Beıjińniń «Ejelgi Jibek jolyn» jandandyryp jatqanyn atap ótti. Mýjahıd «Talıban» qozǵalysy Aýǵanstannyń taý-ken ónerkásibin qalpyna keltirýde Beıjińniń kómegine senetinin jetkizdi.
Ol Aýǵanstannyń mys kenishterine erekshe nazar aýdardy, «qytaılyqtardyń arqasynda bul kenish oryndary qaıta jandanyp, modernızasıadan ótýi múmkin». Óz sózin qortyndylaı kele, Mýdjahıd Qytaı Halyq Respýblıkasy Kabýl úshin «álemniń bar naryǵyna» jol ashatyn múmkindik dep baǵalady.
Buǵan deıin «Talıban» qozǵalysy Qytaımen bolashaqtaǵy yntymaqtastyq týraly aıtqan jáne Aýǵanstandy qalpyna keltirý úrdisine Túrkıa memleketin qosqysy keletinin málimdegen bolatyn. Tálibter Ankaradan densaýlyq saqtaý, bilim, ekonomıka, qurylys jáne energetıka sıaqty birqatar salalardy damytýda kómek alǵysy keletinin basa aıtty.