Elimizde álemge áıgili akter Djekı Chan men tanymal amerıkalyq prodúserlerdiń qatysýymen birqatar halyqaralyq kınojoba qolǵa alynyp jatyr. Bul týraly Úkimet otyrysynda Salem Entertainment sıfrlyq medıa kompanıasynyń bas dırektory Igor Saı málimdedi, dep habarlaıdy aqshamnews.kz.
– Bizdiń kompanıa serıaldar túsirýge basymdyq beredi, jylyna 12-den astam serıal jáne 4 tolyq metrajdy fılm túsiremiz. Bıyl Djekı Chan, amerıkalyq «Oskar» ıegeri prodúserlermen birlesken prodúserlik joba iske qosyldy, sondaı-aq jasandy ıntellekt tehnologıasyna negizdelgen kontent jasaý boıynsha Tımýr Bekmambetovpen biregeı joba qolǵa alyndy. Sonymen qatar Mádenıet jáne aqparat mınıstrliginiń qoldaýymen, «Qazaqtelekom» jáne TV+ brendimen seriktestikte biz 700 myń aqyly jazylýshyǵa qol jetkizdik. Biz jyl saıyn YouTube platformasymen jumys istep, jylyna 400 mıllıonnan astam qaralym jınaımyz, – dedi Igor Saı Úkimet otyrysynda.
Aıta ketsek, byltyr otandyq kıno óndirisi 58 paıyzǵa artty. Premer-mınıstr kıno týyndylardyń sanyn kóbeıtip, tek paıda túsirýdi ǵana maqsat etpeı, fılmderdiń sapasyna basa nazar aýdarý kerektigin basa aıtty.