Qarjy naryǵyn retteý jáne damytý agenttigi ujymdyq qaıta qurylymdaý mehanızmin engizýdi usyndy.
Bul mehanızm arqyly qaryzdardy biriktirýge, aıyppuldar men komısıalardy alyp tastaýǵa, qaryz somasyn azaıtýǵa nemese múldem keshirýge múmkindik beriledi, dep habarlaıdy aqshamnews.kz.
Conymen, jeńildik kimderge jasalady?
Qaıta qurylymdaýǵa kelesi sharttardyń barlyǵyna sáıkes keletin azamattar júgine alady:
Bankter men mıkroqarjy uıymdarynda eki nemese odan da kóp kepilsiz qaryzy bar;
nesıe boıynsha alty aıdan astam nemese mıkronesıeler boıynsha úsh aıdan astam merzimi ótken tólemderi bar;
Páter nemese kólik sıaqty kepilge qoıylǵan basqa nesıeleri joq;
Jalpy bereshek somasy 1 600 AEK-ten (shamamen 6,3 mln teńge) aspaıtyn.
Mundaı jaǵdaıda azamat ujymdyq qaıta qurylymdaýǵa ótinish bere alady. Nátıjesinde nesıe berýshi birlesken sheshim qabyldap, tólem kestesin qaıta qaraıdy. Aıyppul men ósimpuldy tolyq alyp tastaıdy. Sonymen qatar 6 aıǵa deıingi merzimge tólemdi shegerý múmkindigin qarastyrady.
Qaryz qashan azaıtylady nemese keshiriledi?
Myna jaǵdaıda qaryz tolyq keshiriledi:
Qaryz alaıaqtar arqyly rásimdelgen bolsa;
Qaryz alýshynyń jaǵdaıy qujat júzinde rastalǵan aýyr ómirlik jaǵdaılarmen baılanysty bolsa;
Qaryzdy óteýge obektıvti sebeptermen qabiletsiz ekeni barlyq nesıe berýshi tarapynan tanylsa.
Mundaı jaǵdaıda bank mindetti túrde ótinishti qarap, qaryzdy azaıtý, paıyzdardy alyp tastaý nemese tólem kestesin ózgertý sıaqty sheshimder usynýy tıis.