OQKA-da kúrdeli joǵary tehnologıalyq operasıa jasaldy

Almaty qalasynyń Ortalyq qalalyq klınıkalyq aýrýhanasyna (OQKA)— buryn jambas-san býynyna endoprotezdeý jasalǵan oń jaq san súıeginiń jabyq perıprotezdik kópsynyqty synýy bar aýyr jaraqat alǵan naýqas tústi.
Aıaq-qoldyń qyzmetin saqtaý maqsatynda kúrdeli joǵary tehnologıalyq hırýrgıalyq aralasý qajet boldy. Dárigerler oń jaq san súıeginiń synýyn bloktaýshy plasına men burandalardy qoldana otyryp bekitý operasıasyn júrgizip, buryn ornatylǵan endoprotezdiń sabaǵyn turaqtandyrdy.
Operasıany travmatolog-dáriger Nýrjan Nýraly anestezıolog-dáriger Mergalı Adılet Mergalıdyń qatysýymen oryndady.
Mundaı hırýrgıalyq aralasýlar travmatologıadaǵy eń kúrdeli sanatqa jatady, sebebi olar joǵary dáldikti, kásibı tájirıbeni jáne zamanaýı medısınalyq tehnologıalardy qoldanýdy talap etedi.
Jaraqattyń aýyrlyǵyna jáne operasıanyń kúrdeliligine qaramastan, naýqas kelesi kúni-aq belsendi qozǵala bastady. Erte ońaltý sátti júrgizilgen hırýrgıalyq em men medısınalyq komandanyń úılesimdi jumysynyń arqasynda múmkin boldy.