Áleumettík medıtsınalyq saqtandyru qorynyń Almaty qalalyq fılıaly habarlauynsha, 2026 jylǵy 1 qańtardan bastap MÁMS júıesíne kemí bes jyl boıy tūraqty jarna tólegen azamattardyń mártebesí tólem uaqytsha toqtaǵan jaǵdaıda da alty aı boıy saqtandyrylady, dep habarlaıdy aqshamnews.kz
«Míndettí áleumettík medıtsınalyq saqtandyru turaly» zańǵa engízílgen ózgeríster ayasynda qabyldanǵan jańa norma būryn MÁMS júıesíne tūraqty jarna tólep kelgen, bíraq uaqytsha tabyssyz qalǵan azamattarǵa qatysty.
«Eger azamat MÁMS júıesíne kemínde bes jyl qatarynan jarna tólegen bolsa, onyń saqtandyru mártebesí alty aı boıy saqtalmaq. Mūndaı jaǵdaıǵa kóbíne jūmysynan aıyrylyp, uaqytsha jūmyssyz qalǵan adamdar tap boluy múmkín. Bíraq būl jeńíldíktí júıedegí barlyq tóleushíler bírdeı qoldana alady», – dedí MSQ Almaty qalalyq fılıalynyń dırektory Ílıyas Mūhamedjan.
Būl ózgeríster jūmysynan aıyrylǵan nemese uaqytsha qarjylyq qıyndyqtarǵa tap bolǵan tūrǵyndardyń medıtsınalyq kómekten qaǵylmauyn qamtamasyz etedí. Bíraq tabys tūraqtanǵannan keıín tólenbegen aılar úshín bereshektí óteu qajet bolmaq. Jarna tólenbeı qalǵan aılar úshíntólemdí derbes tóleushí retínde tóleuge bolady. 2026 jyly būl sanattaǵy azamattar úshín aı saıynǵy jarna mólsherí 4 250 teńgení qūraıdy.
Aıta ketu kerek, qazírgí qoldanystaǵy normaǵa sáıkes, tólemder toqtaǵan jaǵdaıda saqtandyrylǵan mártebesí 3-aq aı saqtalady. Aldaǵy uaqytta būl talap ta saqtalyp qalmaq.
