Jańa turǵyn úılerdi satý 17,3% ósti.
Bir jylda Qazaqstanda ekinshi naryqtaǵy jáne jańadan salynǵan úıler 26,9% deıin qymbattady. Bul týraly Ulttyq statısıka búrosynan málim etti, dep habarlaıdy Almaty-akshamy.kz.
Bir jylda (2022 jylǵy qarasha – 2021 jylǵy qarasha aralyǵynda) páterlerdi qaıta satý baǵasy – 26,9%, jańa turǵyn úılerdi satý 17,3% ósti.
Bıylǵy qarashada páterdi jalǵa alý tólemi ótken jylǵy tıisti aımen salystyrǵanda 48,6% artty.
Óńirler boıynsha: bir jylda jańa úıler Aqtóbede 30,3%, Semeıde 26,9%, Aqtaýda 25% qymbattady. Ekinshi naryqtaǵy úıler Taldyqorǵanda 44,6%, Aqtaýda 43,3%, Semeıde 42,8%, Aqtóbede 42,4%, Astanada 41,7%, Qyzylordada 41,2% ósti. Al turǵyn úıdi jalǵa alý naryǵynda baǵalardyń eń kóbi Almaty (76,6%), Qaraǵandy (55,7%) jáne Qostanaı qalalarynda (54,5%) ósti.
Al bir aıdaǵy statısıkaǵa júginsek (2022 jylǵy qarasha 2022 jylǵy qazanmen salystyrǵanda), ekinshi naryqtaǵy baspanany qaıta satý baǵasy 1%, jańa turǵyn úıler 1,2% qymbattady. Páter arendasy aldyńǵy aımen salystyrǵanda, kerisinshe 2,4% tómendedi.
«Jańa turǵyn úıler boıynsha aqparatty satý operasıalaryn júrgizetin qurylys kompanıalarynan jınaımyz. Bul rette páterdiń bastapqy jáne taza árlengendegi baǵasy eskeriledi. Páterlerdi qaıta satý jáne jalǵa alý boıynsha derekter ınternette, buqaralyq aqparat quraldarynda ornalastyrylatyn habarlandyrýlar negizinde jınalady. Baǵalardy esepteý kezinde bir, eki, úsh bólmeli páterler boıynsha usynystar esepke alynady», – deıdi QR Ulttyq statısıka búrosy baǵa statısıkasy departamentiniń dırektory Qýanyshbek Jaqypbekuly.