Búgin Pedıatrıa jáne balalar hırýrgıasy ǵylymı ortalyǵynda Qazaqstan Respýblıkasynda saraptamalyq klastyń eń jańa jabdyǵy - Calculase III lazerlik júıesimen jaraqtandyrylǵan alǵashqy operasıalyq bólmeniń saltanatty ashylýy ótti.
Saltanatty rásimge Japonıanyń QR-daǵy Tótenshe jáne Ókiletti Elshisi Iasýmasa Iıdzıma myrza qatysty. Jabdyq Japonıa Úkimetiniń «KUSANONE (Kornı travy/Shóp tamyry)» granttyq baǵdarlamasy sheńberinde ornatylǵan.
«Inovasıa operasıa bólmesiniń kórinisin tez ózgertip, hırýrgıanyń tıimdiligi men qaýipsizdigin arttyrady. Calculase III lazerlik júıesi alǵash ret Qazaqstannyń balalar ýrologıasynda balalardaǵy nesep shyǵarý júıesiniń týa bitken jáne júre paıda bolǵan aýrýlaryn endoskopıalyq dıagnostıkalaý jáne emdeý úshin qoldanylady», - dep atap ótti ýrologıa bólimshesiniń meńgerýshisi Baqytjan Ábekenov.
Buryn tómengi nesep shyǵarý joldarynyń patologıasy bar balalarǵa operasıalar ashyq ádispen, uzaqtyǵy 2 saǵatqa deıin jáne 14 kúnge deıin emdeýge jatqyzyldy.
Lazerlik lıtotrıpsıany engizýmen:
• operasıanyń uzaqtyǵy 20 mınýtqa deıin qysqardy;
• jumsaq maskalyq narkoz qoldanylady;
• bala emsharadan keıin birden anasyna berilýi múmkin;
• emdeýge jatqyzý merzimi 7 kúnge deıin qysqardy.
Ádistiń basty artyqshylyǵy - jaraqat alý jáne operasıa kezinde de, operasıadan keıingi kezeńde de qaýipterdi azaıtý.
Pedıatrıa jáne balalar hırýrgıasy ǵylymı ortalyǵy qazaqstandyq balalarǵa eń zamanaýı jáne qaýipsiz emdeý ádisterine qol jetkizýdi qamtamasyz ete otyryp, ınovasıalardy engizýdi jalǵastyrýda.