Almatyda tergeý ızolátoryna qurmanyń ishine esirtki jasyryp ótkizbek bolǵan kúdikti anyqtaldy.
Oqıǵa Almaty qalasy boıynsha qylmystyq-atqarý júıesi departamentiniń №72 mekemesinde tirkelgen, - dep habarlaıdy Aqshamnews.kz
QAJD málimetinshe, mekemeniń qabyldaý-tapsyrý bólmesinde ózindik qaýipsizdik bólimi men jedel top qyzmetkerleri birigip, tergeý qamaýyndaǵy azamatqa jetkizilgen sálemdemeni tekserý barysynda qurmanyń ishine jasyrylǵan ótkir ıisti belgisiz untaqty anyqtaǵan.
Sálemdeme ákelgen azamat óz sózinde kýrer ekenin aıtyp, pakettiń ishinde ne baryn bilmegenin alǵa tartqan. Oqıǵa boıynsha Almaty qalasy polısıa departamentiniń Túrksib aýdandyq polısıa basqarmasynan arnaıy top shaqyrtylǵan. Qazirgi ýaqytta atalǵan fakt boıynsha materıaldar jınaqtalyp, ákimshilik jaýapkershilikke tartý sharalary qarastyrylyp jatyr.