Kıikter sanyn retteý aýyl sharýashylyǵyndaǵy malmen báseke bolmaýy úshin jasalady.
Májilis kýlýarynda Ekologıa, geologıa jáne tabıǵı resýrstar mınıstri Serikqalı Brekeshov atý-atpaý máselesi týraly jýrnalıserge pikir bildirdi, dep habarlaıdy Almaty-akshamy.kz Inbusiness.kz cilteme jasap.
«Bıonegizdeme aıaqtaldy. Ǵalymdar kıikterdiń sanyn retteý máselesin aıtyp jatyr. Bul – Oral popýlásıasy. Qazir ondaǵy kıikter sany 800 myń bas bolsa, onda olardyń 10 paıyzy retteledi. Iaǵnı, 80 myń bas kıik», - dedi Brekeshev.
«Iaǵnı 80 myń kıikti ata ma?» - degen suraqqa mınıstr: «Iá», - dedi.
Brekeshevtiń aıtýyna qaraǵanda, kıikter sanyn retteý aýyl sharýashylyǵyndaǵy malmen báseke bolmaýy úshin jasalady. Batys aımaqta mal jaıylymynan bólek eginge de túsip ketip jatyr.
«Aldymen ǵylymı zertteý júrgizý úshin 500 bas kıik alynady. Jumys 1 qazannan bastalady», - dedi Brekeshev.