Almaty áleýmettik medısınalyq saqtandyrý qorynyń dırektory Tileýhan Ábildaev Óńirlik komýnıkasıalar qyzmetiniń brıfıńinde Almaty qalasyndaǵy medısınalyq saqtandyrý týraly aıtyp berdi.
Spıkerdiń aıtýynsha, joǵary tehnologıalyq operasıalardy qarjylandyrý 5,4 mlrd teńgege artty, sonymen qatar, bıyl EKO prosedýralaryna 3,2 mlrd teńge bólindi, dep habarlaıdy Almaty-akshamy.kz
Jýrnalıser aldynda sóz sóılegen Tileýhan Ábildaev búginde Qor tegin medısınalyq kómektiń kepildik berilgen kólemi sheńberinde jáne mindetti áleýmettik medısınalyq saqtandyrý paketinde medısınalyq qyzmetterdi qarjylandyrýdy jalǵastyryp jatqanyn atap ótti.
«MÁMS engizilgennen beri Almaty qalasynyń densaýlyq saqtaý búdjeti edáýir artty. 2022 jylǵa naqtylanǵan búdjet 242,1 mlrd teńgeni qurady, bul ótken jylmen salystyrǵanda 17,3%-ǵa artyq», - dep habarlady Almaty qalasyndaǵy MÁMS qorynyń dırektory.
MÁMS mańyzdy artyqshylyqtarynyń biri EKO sıaqty qymbat rásimderdi qarjylandyrýdy arttyrý boldy. Mysaly, osy jylǵa 3152 qyzmetke 3,2 mlrd teńgeden astam qarjy bólindi. Aǵymdaǵy jyldyń 4 aıynda jalpy somasy 484 mln teńgege EKU-nyń 476 rásimi ótkizildi. Búginde medısınalyq saqtandyrý aıasynda qalanyń segiz medısınalyq uıymy ekstrakorporaldyq uryqtandyrýdy júzege asyrýda.
Tileýhan Ábildaev aǵymdaǵy jyldyń 4 aıynda Qor MÁMS paketinde Almaty qalasy boıynsha medısınalyq kómekke tóleýge shamamen 54,9 mlrd teńge baǵyttaǵanyn túsindirdi. Qańtar-sáýir aralyǵyndaǵy shyǵyndardyń basym bóligi stasıonarlyq medısınalyq kómekti tóleýge tıesili, bul 28,5 mlrd teńgeden astam. Konsýltasıalyq-dıagnostıkalyq kómek kórsetkeni úshin medısınalyq uıymdarǵa taǵy 11,4 mlrd teńge tólendi. Olardyń ishinde eń kóp suranysqa ıe KT jáne MRT.
MÁMS júıesi aıasynda ońaltý kómegine 3,4 mlrd teńge baǵyttaldy. Spıker mindetti áleýmettik medısınalyq saqtandyrý júıesin engizý medısınalyq ońaltýdy qarjylandyrýdy ulǵaıtýǵa jáne onyń qoljetimdiligin edáýir arttyrýǵa múmkindik bergenin atap ótti.