Osy qazannan bastap Almatydan Vetnamnyń Náchang qalasyna alǵashqy áýe reısi ushady
Endigi ýaqytta qazaqstandyqtar Vetnamǵa tikeleı usha alady, dep habarlaıdy Almaty-akshamy.kz QazAqparatqa silteme jasap.
Astanada Qazaqstan men Vetnam arasyndaǵy dıplomatıalyq qarym-qatynastyń ornaǵanyna 30 jyl tolýyna oraı saltanatty is-shara ótti.
Atalǵan shara barysynda eki el arasynda tikeleı áýe reısiniń resmı ashylýy ótti.
Osy qazannan bastap Almatydan Vetnamnyń Náchang qalasyna alǵashqy áýe reısi ushady.
Uıymdastyrýshylardyń aıtýynsha, ushaq aptasyna eki ret qatynaıdy jáne ushý ýaqyty 9 saǵattan asady.
«Aldymen barsha qonaqqa qosh keldińizder deımin. Bıyl Qazaqstan men Vetnam memleketi arasynda resmı qarym-qatynastyń ornaǵanyna 30 jyl tolyp otyr. Búgingi shara Vetnam Sosıalısik Respýblıkasynyń vıse-prezıdenti Vo Thı An Sýan hanymnyń Qazaqstanǵa sapary aıasynda uıymdastyrylyp otyr», - dedi QR Syrtqy ister mınıstriniń orynbasary Ádil Tursynov.
Qazaqstan men Vetnam arasynda qatynaıtyn «Vietjet» áýe kompanıasy bizdiń elden bólek Úndistan, Japonıa, Koreıa, Eýropa elderi jáne Aýstralıany baılanystyrady.
«Tikeleı áýe reısi Qazaqstan jáne Ortalyq Azıa elderin Vetnammen baılanystyryp ekonomıka, saýda jáne týrızm salasyndaǵy birlesken jobalardyń damýyna yqpal etedi dep sanaımyn. Vietjet áýe kompanıasy saıahattaýshy, jumys babymen, oqý jáne basqa da sebepterpen ushatyn klıentterdi tamasha qyzmetpen qamtamasyz etedi», - deıdi «Vietjet» áýe kompanıasynyń vıse-prezıdenti, dırektorlar keńesiniń múshesi Chý Vet Kýong.