Týrızm salasyndaǵy jańa bastamalar: QR Týrızm jáne sport mınıstri Ermek Marjyqpaev Aqmola oblysynyń bıznes-qaýymdastyǵymen kezdesti.
Býrabaı aýdanyndaǵy «Discovery Borovoe» qonaq úıinde QR Týrızm jáne sport mınıstri Ermek Marjyqpaev Aqmola oblysynyń bıznes-qoǵamdastyǵymen kezdesý ótkizip, jazǵy týrısik maýsymǵa daıyndyǵyn talqylady. Bul týraly mınıstrliktiń baspasóz qyzmeti málimdedi, dep habarlaıdy Almaty-akshamy.kz.
Jýyrda Dúnıejúzilik ekonomıkalyq forýmnyń Saıahat jáne týrızmdi damytý boıynsha jarıalanǵan reıtıńinde Qazaqstan týrısik baǵyttar tiziminde 119 el arasynan 52-oryndy ıelendi. Qazaqstan Ázerbaıjan (56), Ózbekstan (78), Qyrǵyzstan (102) sıaqty elderdi basyp ozyp, Ortalyq Azıadaǵy eń joǵary kórsetkishke ıe boldy.
"Qarjylandyrylǵan jobalardyń nátıjesin qaraıtyn bolsaq, durys baǵytta kele jatqanymyzǵa kóz jetkizýge bolady. Bul sharalar óńirdiń odan ári ósip-órkendeýine oń áser etetinine senimdimin", - dedi QR Týrızm jáne sport mınıstri Ermek Marjyqpaev.
Aımaqtaǵy taǵy bir mańyzdy baǵyttyń biri – aýyl turǵyndaryn jumyspen qamtı otyra, agrotýrızm salasyn damytý. Sonymen qatar Týrızm jáne sport mınıstri Aqmola oblysynda týrızmniń barlyq salasy damyp kele jatqanyn, onyń ishinde óńir emdeý-saýyqtyrý, rekreasıalyq jáne tabıǵı-landshaftyq týrızm ortalyǵyna aınalǵanyn atap ótti. Azamattar men týrıser arasynda qaýipsizdikti saqtaý da óte mańyzdy dúnıe.