Qazaqstan tústi metal óndirisin arttyrady.
Al Eýropa tarapynan taǵy 16 metal túrine suranys bolyp otyr, dep habarlaıdy Almaty-akshamy.kz 24.kz-ke silteme jasap.
Bul másele búgin Astanada bastalǵan HIV Halyqaralyq taý-ken metalýrgıa kongresinde talqylandy. Prezıdent Qasym-Jomart Toqaev sırek metaldardy «jańa munaı» dep baǵalaǵany belgili. Sebebi kún sanap ulǵaıyp kele jatqan zamanaýı tehnologıalyq buıymdar óndirisine aýadaı qajet. Iaǵnı, óndiris kólemi ósken saıyn suranys ta ulǵaıa bermek.
Dástúrli kongres jumysyna 20 elden taý-ken jáne metalýrgıa salasyndaǵy irgeli kompanıalar qatysyp jatyr. Olar ózderiniń aldyńǵy qatarly tehnologıalaryn tanystyryp, óndiris qarqynyn arttyrý boıynsha tyń jobalar usynady. Sondaı-aq is-shara sheńberinde jalpy quny 22 mlrd teńge bolatyn kelisimsharttarǵa qol qoıylady.
Qanat Sharlapaev, QR Ónerkásip jáne qurylys mınıstri:
Búkil álimniń ekonomıkasy energetıkalyq «perehod» jasap jatyr. Sol energetıkaǵa baılanysty qazirgi tańda suranys óte kóp. Eń aldymen Qazaqstannyń roli osy energetıkalyq «perehodta» sırek metaldarmen qamtamasyz etý.
Benjamen Gallezot, Fransıa premer-mınıstri janyndaǵy ken jáne metaldardy strategıalyq jetkizý jónindegi vedomstvoaralyq delegat:
- Byltyr qarasha aıynda Qazaqstan men Fransıa arasynda birneshe kelisimge qol qoıyldy. Bul qujattarǵa sáıkes zertteý, jobalardy damytý jáne jańashyl tehnologıalardy engizý boıynsha birlese jumys júrgizemiz. Qazaqstanda sırek metaldar óndirisin damytý úshin áleýet jetkilikti. Qazirgi ýaqytta biz Ónerkásip jáne qurylys mınıstrligimen birge jol kartasyn ázirlep jatyrmyz.