Qańtarmen salystyrǵanda 22,2%-ǵa tómendegen.
Qazaqstandyq mamandar aqpan aıynda jumys izdeýshiler sany azaıǵanyn aıtyp otyr, dep habarlaıdy Almaty-akshamy.kz.
«Eńbek resýrstaryn damytý ortalyǵy» AQ derekteri boıynsha, 2022 jylǵy aqpanda Elektrondyq eńbek bırjasynda 72,3 myń bos jumys orny jáne 54,6 myń túıindeme ornalastyrylǵan. Máselen, aqpan aıynda bos oryndar sany 5,9%-ǵa ósti, al jarıalanǵan túıindemeler sany 2022 jylǵy qańtarmen salystyrǵanda 22,2%-ǵa tómendedi»,- delingen Eńbekmıni baspasóz qyzmetiniń habarlamasynda.
Eger aǵymdaǵy jyldyń qańtarynda izdenýshiler ornalastyrǵan túıindemelerdiń sany bos oryndar sanynan 1,9 myńǵa asyp ketse, aqpan aıynda bos oryndar men jumys izdep júrgen adamdar arasyndaǵy alshaqtyq bos oryndar paıdasyna 17,7 myńdy qurady. Ótken aımen salystyrǵanda EEB-daǵy bos oryndar sany 4 myńǵa ósti, al túıindeme 15,6 myńǵa azaıdy.
Aqpan aıynda óńirlik taldaý tek bes óńirde EEB-te bos oryndar sanynyń tómendegenin kórsetedi – Shymkent qalasynda (-37% nemese 1,3 myń bos jumys orynǵa), Jambyl oblysynda (-14% nemese 400 bos jumys orynǵa), Nur-Sultan q. (-13,7% nemese 1,3 myń bos jumys orny), Qyzylorda (-12,3% nemese 200 bos jumys orynǵa) jáne Aqtóbe (-6,5% nemese 180 bos jumys orynǵa) oblystarynda. Suranystyń eń joǵary ósimi Mańǵystaý (+56,4% nemese 1 myń bos jumys orny), Pavlodar (+36% nemese 1,3 myń bos jumys orny) oblystarynda, Almaty qalasynda (+32,4% nemese 1,8 myń bos jumys orny) jáne Aqmola oblysynda (+23,4% nemese 500 bos jumys orny) baıqaldy.
İzdenýshiler tarapynan belsendiliktiń eń kóp tómendeýi Almaty qalasynda (-3,3 myń nemese -49,4%), Qyzylorda oblysynda (-3,3 myń nemese -47%), Jambyl oblysynda (-2,4 myń nemese -42%) jáne Shymkent qalasynda (-2 myń nemese -42%) baıqaldy.
«Bul rette biliktiligi jok eńbek resýrstaryna suranys qatty ózgeristerge ushyraǵan joq, al usynys ótken aımen salystyrǵanda 33%-ǵa qysqardy. Bilikti kadrlarǵa suranystyń eń kóp ósýi avtomobılder men avtobýstardyń júrgizýshilerine, býyp-túıýshilerge, tehnologıalyq qondyrǵylardy jóndeý jónindegi slesarlarǵa jáne tehnologıalyq jabdyqtardy montajdaýshylarǵa baıqaldy. Al ótken aımen salystyrǵanda bos jumys oryndary shet tili muǵalimderi, tas qalaýshylar, call-ortalyq operatorlary jáne qurylystaǵy elektrshiler úshin az ornalastyryldy», – dedi ERDO basqarýshy dırektory Aleksandra Molchanovskaıa.