Er-Rıadta ótken VI Islam yntymaqtastyǵy oıyndary aıaqtalyp, qazaqstandyq sportshylar jarysty tabysty qorytyndylady. Bul týraly Aqshamnews tilshisi Týrızm jáne sport mınıstrliginiń baspasóz qyzmetine silteme jasap habarlaıdy.
Mınıstrlik málimetinshe, jarys «One nation – bir ult» uranymen ótip, 57 eldiń sportshylary baq synaǵan. Qazaqstan quramasy jalpy esepte 56 medal jeńip aldy: 15 altyn, 20 kúmis jáne 21 qola. Bul nátıje el sportshylarynyń joǵary daıyndyǵyn jáne halyqaralyq arenadaǵy turaqty ósimin kórsetedi.
Qazaqstan 16 sport túrinen qatysty: jeńil atletıka, kıbersport, fehtovanıe, gandbol, jıý-jıtsý, dzúdo, karate, júzý, ústel tenısi, taekvondo, aýyr atletıka, erkin kúres, grek-rım kúresi, áıelder kúresi, ýshý jáne mýaı-taı.
Al boks, voleıbol, at sporty, 3h3 basketbol, fýtzal, dýatlon jáne túıe jarystary obektıvti sebepterge baılanysty qatyspady.
Oıyndardyń basty jetistikteri:
- Qazaqstan alǵash ret birneshe sport túrinen altyn medal ıelendi: dzúdo (Arýna Jangeldına), ústel tenısi (Kırıll Gerasımenko jáne erler komandasy), mýaı-taı (Turar Dúısehan), semserlesý (erler komandasy) jáne jıý-jıtsý (úsh altyn).
- Sporttyq revansh: ústel tenısinde Kırıll Gerasımenko Parıj Olımpıadasynda ózi jeńilgen Omar Mýhammed Assardy tize búktirdi; al álem chempıony Rızabek Aıtmuhan Bahreınniń Olımpıada chempıony Ahmed Tajýdınovty utty.
- Alǵash ret gandbol, jıý-jıtsý, mýaı-taı, ýshý jáne fehtovanıe sporttarynan medaldar enshiledi.
Osylaısha, Qazaqstan quramasy VI Islam yntymaqtastyǵy oıyndaryn jarqyn nátıjemen aıaqtady.