Qazaqstanda 18,6 mln ga orman alqaby bar.
Elimizde ormandy zańsyz kesý faktileri ǵaryshtyq monıtorıń arqyly anyqtalyp jatyr, dep habarlaıdy Almaty-akshamy.kz
Bul týraly Ortalyq komýnıkasıalar qyzmetinde ótken baspasóz máslıhatynda QR Sıfrlyq damý, qorǵanys jáne aeroǵarysh ónerkásibi mınıstrligi Aeroǵarysh komıtetiniń tóraǵasy Baýbek Oralmaǵambetov málim etti.
«Ekologıa mınıstrligine qarasty orman sharýashylyǵy jáne janýarlar dúnıesi komıtetimen birlesip elimizdegi orman kartalary sıfrlandyryldy. Ózderińiz biletindeı, orman qory memlekettiń baqylaýynda jáne ol ǵaryshtyq monıtorıń arqyly júzege asyrylady. Bizdegi bar qazirgi derekter boıynsha, Qazaqstanda 18,6 mln ga orman alqaby bar. Ǵaryshtyq monıtorıń arqyly ormandy baqylap qana qoımaı, órt qaýpiniń aldyn alýǵa da bolady. Sondyqtan da elimizdegi orman kartalary sıfrlandyryldy. Sondaı-aq, ormanǵa qatysty ekinshi problema - zańsyz aǵash kesý. Endigi ýaqytta bul quqyqbuzýshylyqty da ǵaryshtyq monıtorıń arqyly qadaǵalaýǵa múmkindik bar», - dedi Baýbek Oralmaǵambetov.