Qazaqstan Respýblıkasy Kólik mınıstrligi Avtomobıl joldary komıteti tóraǵasynyń orynbasary Maqsat Baıahmet Qazaqstan men Mońǵolıa arasyndaǵy kólik salasyndaǵy yntymaqtastyq týraly kelisimdi talqylaý jónindegi kezdesýge qatysty.
Kezdesý aıasynda avtojol salasyndaǵy ózara is-árekettiń negizgi máseleleri talqylanyp, memleketter arasynda jańa avtomobıl jolyn salý jaıynda suraqtar pysyqtaldy, dep habarlaıdy aqshamnews.kz.
Avtojoldyń jańa baǵyty Mońǵolıa shekarasyna qaraı shyǵatyn Óskemen, Rıdder qalalary jáne Týekta (Reseı Federasıasy) eldi-mekeni arqyly ótpek. Boljamdy jańa marshrýttyń qazaqstandyq ýchaskesi – Óskemen qalasynan Reseı Federasıasynyń shekarasyna deıingi aralyqta salyndy. Onyń jalpy uzyndyǵy 189 shaqyrym, 62 shaqyrymda kúrdeli jáne ortasha jóndeý jumystary atqarylady. Marshrýttyń basym bóligi Reseı Federasıasynyń aýmaǵynda ótedi, eger Reseı tarapynyń jol salýǵa kelisimi bolsa, marshrýt 837 shaqyrymdy quraıdy.
Al qazir qoldanystaǵy «Óskemen – Rýbsovsk – Barnaýl – Týekta avtomobıl joly – Mońǵolıa shekarasy» tasjolynyń uzyndyǵy 1 604 shaqyrymdy quraıdy.
Jańa joldyń qurylysy jol júrý ýaqytyn edáýir qysqartyp, Qazaqstan men Mońǵolıa arasyndaǵy kólik baılanysyn jaqsartyp qana qoımaı, ekonomıkalyq jáne mádenı baılanystardy nyǵaıtýdaǵy mańyzdy qadam bolmaq.