Qazaqstan men Germanıa Prezıdentteri kelissóz júrgizdi, dep habarlaıdy Almaty-akshamy.kz Aqordanyń baspasóz qyzmetine silteme jasap.
Prezıdentter qazaq-german strategıalyq seriktestiginiń jaı-kúıi men damý perspektıvalaryn talqylady. Saıası dıalogty nyǵaıtýǵa, saýda, ekonomıka, ınvestısıa, energetıka, kólik jáne logıstıka salalaryndaǵy yntymaqtastyqty tereńdetýge erekshe nazar aýdaryldy.
Sondaı-aq Transkaspıı halyqaralyq kólik baǵytyn damytý aıasynda ózara is-áreketti jandandyrý, munaı jáne gaz, jasyl energetıka, ónerkásip salalaryndaǵy ózara tıimdi yntymaqtastyqty keńeıtý mańyzdy ekeni atap ótildi.
Qasym-Jomart Toqaev pen Frank-Valter Shtaınmaıer halyqaralyq jáne óńirlik kún tártibindegi ózekti máseleler jóninde pikir almasty.
Tet-a-tet formatyndaǵy kelissózder dostyq rýhynda ótti jáne konstrýktıvti ári mazmundy boldy. Ekijaqty ekonomıkalyq kún tártibiniń birqatar baǵyty boıynsha yntymaqtastyqty arttyrý týraly ýaǵdalastyqqa qol jetkizildi.