Memleket basshysy Qasym-Jomart Toqaev nemis kompanıalaryn Qazaqstanǵa ınvestısıa salýǵa shaqyrdy, dep habarlaıdy Almaty-akshamy.kz QazAqparatqa silteme jasap.
«Bizdiń yntymaqtastyǵymyzdyń negizgi sektory – munaı men gaz, óndiris, mashına jasaý, kólik, logıstıka, jańaratyn energıa, aýyl sharýashylyǵy. Qansha sala bolsa, sonsha sektor bar. Biz Germanıanyń jańa kompanıalaryn Qazaqstandaǵy jasyl ósimge, ınovasıaǵa, sýtegine, jasyl energetıka óndirisine ınvestısıa salýǵa shaqyramyz», - dedi Qasym-Jomart Toqaev elimizge memlekettik saparmen kelgen Germanıanyń Federaldy Prezıdenti Frank-Valter Shtaınmaıermen keńeıtilgen quramdaǵy kelissóz barysynda.
Memleket basshysy búgin elordada ótetin birlesken bızneske úlken úmit artatyndyǵyn basa aıtty.
«Búgin tústen keıin ótetin Qazaqstan-german ınvestısıalyq forýmynan zor úmitimiz bar. Menińshe, bul forým men onyń aıasynda úkimettik ári bıznes deńgeıinde qol jetkiziletin kelisimder saýda jáne ınvestısıalyq yntymaqtastyǵymyzdy nyǵaıtýǵa tyń serpin beredi dep oılaımyn», - dedi Prezıdent.