Almatyda poıyzda ýlanyp, jansaqtaý bólimine túsken eki balanyń jaǵdaıy belgili boldy, - dep habarlaıdy Aqshamnews.kz.
Bul týraly Almaty qoǵamdyq densaýlyq saqtaý basqarmasy habarlady.
Vedomstvonyń málimetinshe, 11 bala aýrýhanaǵa jatqyzyldy, olardyń ekeýi jansaqtaý bólimine tústi.
12 jeltoqsandaǵy jaǵdaı boıynsha reanımasıadaǵy eki naýqas beıindi bólimshege aýystyryldy, barlyq bala qazir profıldi bólimshede em qabyldap jatyr.
– Aýrýhanaǵa jatqyzylǵan naýqastardyń jaǵdaıy dárigerlerdiń baqylaýynda. Olardyń barlyǵy medısınalyq kómektiń qajetti kólemimen qamtamasyz etilgen, - delingen vedomstvo taratqan habarlamada.
Qalǵan naýqastar tekserýden ótip, tıisti kómek kórsetilgennen keıin turǵylyqty jeri boıynsha ambýlatorıalyq emdeýge úıge jiberildi.