Bas sanıtar dárigerdiń qaýlysy shyqty.
Qazaqstannyń bas sanıtar dárigeri Erlan Qıasovtyń jańa qaýlysy shyqty, dep habarlaıdy Almaty-akshamy.kz.
«2021-2022 oqý jylynda barlyq menshik nysanyndaǵy jáne vedimistik baǵynystaǵy bilim berý uıymdarynda shtattyq formatta oqýǵa ruqsat etilsin», - dep jazylǵan qaýlyda.
Sondaı-aq, oblystardyń, Almaty, Nur-Sultan, Shymkent qalalarynyń ákimderine, Qazaqstan Respýblıkasy Bilim jáne ǵylym mınıstrligine, barlyq menshik nysanyndaǵy jáne vedimistik baǵynystaǵy bilim berý uıymdarynyń basshylaryna jańa oqý jylynda mynadaı saqtyq sharalaryn uıymdastyrý júktelgen:
- pedagogter men personaldyń 100% vaksınalanýy (turaqty medısınalyq qarsy kórsetilimderi bar adamdardy, COVID-19 aýyryp saýyqqan adamdardy saýyqqannan keıin 3 aı ishinde qospaǵanda);
- uıymǵa kirý kezinde Ashyq qosymshasyn engizý (pedagogtardy, personaldy, ata-analardy (zańdy ókilderdi), 18 jáne odan joǵary jastaǵy bilim alatyn kelýshilerdi QR-kod (check-in) boıynsha tirkeý);
- maska rejımin saqtaý;
- resırkýlátorlardyń, sanıtaızerlerdiń, teri antıseptıkteriniń, dezınfeksıalaý jáne jýý quraldarynyń jetkilikti sanymen qamtamasyz etý;
- úı-jaılardy jınaý jáne dezınfeksıalaý jıiligin arttyrý;
- úı-jaılardy ylǵaldy jınaý jáne dezınfeksıalaý, úı-jaılardyń aýasyn jeldetý jáne zararsyzdandyrý rejımine qoıylatyn talaptardy saqtaý;
- pedagogterdiń, personaldyń jáne bilim alýshylardyń kúndelikti «kirý» súzgisi (baılanyssyz termometrmen termometrıa);
- buqaralyq is-sharalardy ótkizýge tyıym salý (mádenı, tárbıe, synyptan tys jáne ata-analar jınalystary jáne t. b.);
- mektepke deıingi jáne orta bilim berý uıymdarynda toptar men synyptardy biriktire otyryp is-sharalar ótkizýge tyıym salý;
- zerthanalyq, praktıkalyq sabaqtardy qospaǵanda, kabınettik oqytý júıesin boldyrmaý;
- bastaýysh, orta jáne joǵary synyp oqýshylaryn bólek ustaý (sabaqtyń bastalý ýaqyty boıynsha eń joǵary múmkindikti eskere otyryp) jaǵdaılarynda oqytý.