Qazaqstandyq tenısshi irikteý kezeńinde top jardy
Qazaqstandyq tenısshi Mıhaıl Kýkýshkın US OPEN týrınıriniń irikteý saıysyn jeńispen bastady, dep habarlaıdy almaty-akshamy.kz.
İrikteý saıystarynyń 13-raketkasy bolyp tirkelgen M.Kýkýshkın alǵashqy kezdesýin dúnıejúzilik reıtıńte 193-oryndaǵy fransıalyq Matıas Býrkpen ótkizdi. Tartysty machta qazaqstandyq tenısshi 4:6, 6:3, 7:6 (7:2) esebimen jeńiske jetti. 2 saǵat 40 mınýtqa sozylǵan básekede M.Kýkýshkın 8 eıs jasap, 10 breık-poınttyń ekeýin paıdalandy. Qarsylasy 11 eıs, 2 breıkke (6 breık-poınt) qol jetkizdi. M.Kýkýshkın irikteý saıystarynyń jartylaı fınalynda álemniń 168-raketkasy, taıbeılik Djeıson Djangpen oınaıdy. Taǵy bir qazaqstandyq, reıtıńte 182-satyda turǵan Dmıtrıı Popko ózinen úsh saty joǵary turǵan slovenıalyq Blaj Roladan 2:6, 5:7 esebimen utylyp qaldy.
Esterińizge sala keteıik, qazaqstandyq tenısshiler US OPEN týrınıriniń irikteý saıysynda baq synaýda.