Eshteńege beıjaı qaramaıtyn almatylyqtar oqý jylynyń basynda muqtaj otbasylardyń balalaryna qajet quraldardy jınaýǵa kómektesýde.
«Mektepke jol» aksıasy aıasynan biz de shet qalmadyq. «Alataý Aqparat» JSHS-ne kóp balaly ana Raısa Savelevadan hat kelip túsken bolatyn.
– Meniń eki qyzym men úsh ulym bar. Qazir olardy mektepke daıyndaýǵa shamam jetpeıdi. Kóp qarajat kerek. Aldymen kómek surap mektepke barǵanmyn, biraq olar qol ushyn sozbady. Aqyry osy másele jóninde sizderge jazýdy uıǵardym, – dep muńyn shaqty kóp balaly ana.
– Meni elep-eskerer dep úmittengenmin. Men sizderdiń gazetterińizdiń turaqty oqyrmanymyn. Instagram paraqshalaryńyzǵa da jazylǵanmyn. Kórsetip jatqan kómekterińizge kýámin. Men sizderdiń uıymdaryńyzǵa oqý quraldary túrindegi baǵa jetpes syılyq úshin rızashylyǵymdy bildiremin, óte qýanyshtymyn.
Endi Savelevter otbasynyń oqýshylary oqý jylyn bastaýǵa, bilim alýǵa daıyn.
– Bir balanyń ózin mektepke daıyndaýǵa 100 myńnan astam aqsha ketedi, meniń kúıeýimniń bir jalaqysyna qarap otyrmyz. Árıne, biz balaǵa múgedektik boıynsha járdemaqy alamyz. Meniń qyzymda kóbelek sındromy bar. Onyń terisi óte názik, deni saý adam úshin túk emes zaqym meniń qyzym úshin aýyr zardaptarǵa ákeledi. Aı saıyn arnaıy jaqpa maılar men dárilerge qyrýar qarajat ketedi. Biz kez kelgen kómekke razymyz jáne kómek kórsetemin deýshilerge alǵysymyz sheksiz. Sizderge taǵy da rahmet!
Savelevter otbasyna kómekteskisi keletinder bizdiń redaksıaǵa habarlasyp, olardyń baılanys telefondaryn ala alady.