Orden elimizdegi dıplomatıalyq mısıasyn aıaqtaǵan Qyrǵyz Respýblıkasynyń Elshisi Jeenbek Kýlýbaevqa ekijaqty qarym-qatynastardy keńeıtýge jáne tereńdetýge qosqan úlesi úshin berilgen.
Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdi elimizdegi dıplomatıalyq mısıasyn aıaqtaǵan Qyrǵyz Respýblıkasynyń Elshisi Jeenbek Kýlýbaevty qabyldady, dep habarlaıdy Almaty-akshamy.kz.
QR SİM baspasóz qyzmetiniń habarlaýynsha, taraptar saýda-ekonomıkalyq, ınvestısıalyq jáne mádenı-gýmanıtarlyq yntymaqtastyq máselelerin, sondaı-aq eki el arasyndaǵy strategıalyq áriptestikti jan-jaqty nyǵaıtýǵa baǵyttalǵan asa joǵary jáne joǵary deńgeılerde qol jetkizilgen ýaǵdalastyqtardyń oryndalý barysyn talqylady.
Mınıstr Elshige ekijaqty qarym-qatynastardy keńeıtýge jáne tereńdetýge qosqan úlesi úshin II dárejeli «Dostyq» ordenin tabys etti.