Bir jyldyń ishinde kartamen tólem alý kórsetkishi 2,4 esege ósip, 30 trıllıon teńgeni quraǵan.
Qazaqstandyq kásiporyndar tólemdi karta arqyly qabyldaýdy ádetke aınaldyryp kele jatyr. Bir jylda tólem kartasy arqyly tólem alatyn kásiporyndardyń sany 210 myńnan asqan, dep habarlaıdy Almaty-akshamy.kz Finprom.kz caıtyna silteme jasap.
Koronavırýs pandemıasy orta jáne shaǵyn bıznes jumysyna óz áserin tıgizip, aıtarlyqtaı keri áser etti. Munymen qosa karantın, lokdaýn ary qaraı óz zıanyn tıgizip jatyr. Sol sebepten kóptegen kásiporyndar óz jumysyn toqtatty. Máselen, ústimizdegi jyldyń tamyz aıynda belsendiligin tómendetken kásiporyndar sany 19,3 myńǵa jetti.
Alaıda kóptegen kompanıalar bar jaǵdaıǵa beıimdele bildi. Qolma-qol aqshasyz jumys isteý ınfraqurylymynyń damýyna baılanysty kásiporyndar óz jumysyn onlaın-rejımge aýystyrdy. Bul óz kezeginde olardyń jumysyn ońtaılandyrdy. Ótken jyldyń ortasynan bastap shaǵyn kásiporyndardyń sany azaısa, ústimizdegi jyldyń basynan beri olardyń sany 2,8% ósti.
Ústimizdigi jyldyń alty aıynda tólemdi karta arqyly qabyldaıtyn kompanıalardyń sany 210,8 myńǵa jetti, bul ótken jylmen salystyrǵanda (101,5 myń)eki jarym esege kóp bolyp keledi. Osy arqyly óz jumysyn avtomattandyrǵan kompanıalardyń sany óskenin baıqaýǵa bolady. ROS-termınaldardyń sany aıtarlyqtaı ósken (bir jylda +86,9%), bul da kásiporyndardyń pandemıa kezinde qazirgi zaman talaptarymen saı jumys istep jatqanyn baıqatady.
Jalpy, bıznestiń onlaın-formatqa kóshkeni iskerlik belsendilikke oń áserin tıgizdi: osy jyldyń naýryzynda iskerlik belsendilik ındeksi pandemıa bastalǵaly beri birinshi ret oń aımaqqa ótti.
Respýblıka boıynsha,tólem kartochkalaryn qabyldaıtyn saýda kásiporyndardyń sany Almatyda (51,4 myń), Nur-Sultanda (34,8 myń) jáne Qaraǵandy oblysynda (16,6 myń) kóp tirkelgen.
Tólemniń ınovasıalyq sheshimderiniń paıda bolýynyń arqasynda qolma-qol aqshasyz operasıalar aqsha aınalymyn almastyrady. Osylaısha, 2020 jyly Qazaqstanda tuńǵysh ret tólem kartochkalary boıynsha aqsha qarajattarynyń jalpy aınalymyndaǵy qolma-qol aqshasyz operasıalardyń úlesi 32%-ǵa qarsy 68%-dan asyp ketti. Al aǵymdaǵy jyldyń birinshi jartyjyldyǵynyń qorytyndysy boıynsha qolma-qol aqshasyz tólemderdiń úlesi 75,4%qurady
Jalpy, aǵymdaǵy jyldyń alty aıynyń qorytyndysy boıynsha, qolma-qol aqshasyz tólemder kólemi bir jyl ishinde 2,4 ese ósip, 30 trln teńgege jýyqtady (bir jyl buryn - 12,4 trln teńge). Tólemderdiń 82,7%-y Internet pen uıaly telefon arqyly onlaın rejıminde júrgiziledi.