Jaǵymsyz senarı iske asqan jaǵdaıda, 2030 jylǵa qaraı qara bıdaı shyǵymy 40%-ǵa deıin tómendeýi múmkin
Bul týraly QR Prezıdenti Qasym-Jomart Toqaev elordada ótip jatqan «Parıj kelisiminiń maqsattaryna qol jetkizý joldary jáne Qazaqstannyń kómirtegi beıtaraptylyǵy» halyqaralyq konferensıasynda aıtty, dep habarlaıdy Almaty-akshamy.kz
Memleket basshysy klımattyń ózgerisi eldegi bıdaı sharýashylyǵyna qalaı áser etetinin aıtty.
«Ortalyq Azıa óńirindegi klımattyń jylyný jedeldigi alańdatady ári shuǵyl áreketterdi qajet etedi. Bul, ásirese, sý men azyq-túlik qamsyzdyǵyn, qaýipsizdigin saqtaý bóliginde óte mańyzdy.
Qazaqstan jylyna 7 mln tonnaǵa deıin bıdaı eksporttap, azyq-túlik bıdaıy men un óndirýshilerdiń iri ondyǵyna kirip otyr. Alaıda jaǵymsyz senarı iske asqan jaǵdaıda, 2030 jylǵa qaraı bıdaıdyń shyǵymy 40 paıyzǵa deıin tómendeýi múmkin», - dedi Memleket basshysy.