Balet bıshileri klasıka men zamanaýı bıden kórermenderge ónerlerin pash etti
«Astana Opera» teatrynyń balet trýppasy Abaı atyndaǵy Qazaq UAOBT sahnasynda Altynaı Asylmuratovanyń avtorlyq baǵdarlamasyn usyndy, dep habarlaıdy Almate-akshamy.kz
Almatylyq talǵampaz kórermen alǵashqy kúni «Don Kıhot» baletinen Syǵan bıin, Steppe Sons «Qorqyt» mánerli shyǵarmasyn, sondaı-aq ulttyq taqyrypqa arnalǵan Rınat Gaısınniń mýzykasyna jazylǵan «Dala úni» baletin tamashalady.
Al konserttiń ekinshi bóliminde elordalyq ártister Raımondo Rebektiń horeografıasyndaǵy «Qazirgi sát qansha ýaqytqa sozylady?» atty bir bólimdi baletin oryndady. Osylaısha almatylyq ónersúıer qaýym eskirmeıtin klasıka men jarqyn zamanaýı horeografıa nómirlerin baǵalaı aldy.
«Almaty qalasynyń kórermenderin qatty jaqsy kóremiz, óte ónersúıer qaýym. Ónerdi baǵalaı biletin, deńgeıin ajyrata biletin halyq bolǵandyqtan jańalyqtarymyzben bóliseıik, teatrymyzdyń deńgeıin kórseteıik dep osy jaqqa kelip turǵan jaıymyz bar. Daıyndyq jumystary keremet ótti. Biz bul qalanyń kórermenderin qatty syılaımyz. Nur-Sultan qalasynda elordalyq kórermenderimizge bul qoıylymdy eki ret kórsettik. Durys emes jerlerin tazalap, túzep osy jaqqa joǵarǵy deńgeıde ákelýge 2 aptadaı ýaqyt ketti», - deıdi «Astana Opera» teatrynyń jetekshi solısi Bahtıar Adamjan.