Qazaqstan 2029 jyly Astanada Azıa-Tynyq muhıty revmatologtar qaýymdastyqtary lıgasynyń (APLAR) 31-shi Kongresin qabyldaıdy, dep habarlaıdy aqshamnews.kz.
Sheshim Japonıanyń Fýkýoka qalasynda ótken APLAR Bas assambleıasynda qabyldandy. Daýys berýde Qazaq revmatologtar koleji Úndistan qaýymdastyǵyn jeńip shyqty.
Bul tarıhı jetistikke qosa, QR Densaýlyq saqtaý mınıstrliginiń bas shtattan tys revmatology, profesor Ǵalymjan Toǵyzbaev APLAR vıse-prezıdenti bolyp saılandy. Bul – Qazaqstan men Ortalyq Azıadan shyqqan mamannyń halyqaralyq uıymdaǵy tuńǵysh joǵary laýazymy.
Kongres aıasynda elordaǵa álemniń túkpir-túkpirinen 3000-nan astam maman kelmek. İs-shara Qazaqstannyń aımaqtaǵy medısınalyq ǵylym ortalyǵy retindegi bedelin arttyryp, halyqaralyq yntymaqtastyqty kúsheıtedi.
Anyqtama: APLAR 1963 jyly qurylǵan, búginde oǵan Azıa men Okeanıanyń 35 ulttyq qaýymdastyǵy kiredi.