Órt dekorasıalar daıyndaıtyn aǵash sehten shyqqan
Sh.Aımanov atyndaǵy «Qazaqfılm» kınostýdıasy ǵımaratynda órt boldy, dep habarlaıdy Almaty-akshamy.kz Almaty qalalyq Tótenshe jaǵdaılar departamentiniń baspasóz qzmetine silteme jasap.
«28 mamyr kúni saǵat 12.22-de Bostandyq aýdany, ál-Farabı dańǵyly, 176 mekenjaıyndaǵy «Qazaqfılm» AQ-da dekorasıalar daıyndaıtyn aǵash sehynda jumys ústelderi, qural-saımandar men tereze jaqtaýlary janyp ketti. Ot sharpyǵan aýmaq - shamamen 10 sharshy metr. Jalynnyń taralýy 12.40-ta oqshaýlandyrylyp, 12.42-de tolyǵymen aýyzdyqtaldy.
Zardap shekkender men qaza bolǵandar joq. Órttiń shyǵý sebebi anyqtalyp jatyr», - delingen TJD aqparatynda.
Málim etilgendeı, órttiń taralý qaýpi bolǵan joq.