Kıno halyq qaharmany Ǵazız Baıtasovtyń erligi jaıynda bolmaq.
Bul týraly kınostýdıanyń maýsymasharynda belgili boldy. Shara Sháken Aımanovtyń 110 jyldyǵyna oraı bıyl birinshi ret uıymdastyryldy, dep habarlaıdy Almaty-akshamy.kz 24.kz-ke silteme jasap.
Sondaı-aq osy jyly «Shyrmaýyq» jáne «Sońǵy paryz» kartınalary qolǵa alynady. «Zdravstvýı, dobryı chelovek» derekti fılmi de taspalanady. Bul týyndylar Ulttyq kınony qoldaý memlekettik ortalyǵynyń kómegimen túsiriledi. Investorlardyń qarjysyna «Jabaıy», «Bolmaǵan balalyq shaq» syndy bes fılmdi jaryqqa shyǵarý josparlap otyr.
«Jyl saıyn osy kúni maýsymashar jasasaq degen oıymyz bar. Sony dástúrge engizgimiz keledi. Sol úshin búgin bastap otyrmyz. Maqsat jaı ǵana datany atap ótý emes. Kórermen bizden ne kútedi, qandaı kınolar bolashaqta túsiriledi, qandaı jobalar bolady? Sonyń barlyǵyn kórermen qazir bilip otyrýy úshin biz arnaıy osyndaı maýsymashar jasap otyrmyz», - deıdi Sh. Aımanov atyndaǵy "Qazaqfılm" ulttyq kınostýdıasynyń prezıdenti Azamat Satybaldy.