Qazaqstandyq dızaıner Aıgúl Janserikovany eýropalyq «Mádenıet kerýeni» akademıasy arnaıy shaqyrtqan.
Qolóner sheberi - Qazaqstanda kıiz basý ónerin jańǵyrtyp, ony jańa tehnologıamen damytqan kásipker. Almatyda Qazaq-Oner ortalyǵyn ashyp, 20 jyldan beri saf ónerdi kópshilikke nasıhattap keledi, dep habarlaıdy Almaty-akshamy.kz Qazaqstan.tv saıtyna silteme jasap.
Eýropalyqtar sheberdiń kórmesin tamashalap, kózdiń jaýyn alatyn kıimder men buıymdardy kóptep satyp aldy. Kóne men jańanyń úndestigin jete meńgergen maman kópshilikke qolóner ortalyǵynyń jumysy jaıly baıandap, tájirıbesimen bólisti.
«Qazaqstandy biz tek qana onyń mádenıeti arqyly tanystyra alamyz. Osyndaı úlken múmkinshilik bar dep shaqyrǵannan keıin keldim. Óner arqyly bizdiń mádenıetimizdiń tereńdegin bilýge bolady. Sol arqyly bizdiń ónerli halyq ekenimizdi, basqalardan ereksheligimiz bar ekenin bildiremiz», - deıdi dızaıner Aıgúl Janserikova.
«Men mynadaı keremet buıym satyp aldym. Jibek pen júnnen jasalǵan taza tabıǵı ónimniń sapasy óte joǵary. Densaýlyqqa paıdaly. Qolmen, erekshe mahabbatpen jasalǵany kórinip tur. Elderińizge saparlap, osy sheberhanany kórsem deımin», - dedi Brússel qalasynyń turǵyny Merıem Van Sımaes.