Qazaqstannyń óńirlerinde qazaq kınosynyń kúnderi bastaldy.
Atalǵan is-shara aıasynda kórermender Qazaqstan Respýblıkasy Mádenıet jáne aqparat mınıstrligi men Ulttyq kınony qoldaý ortalyǵynyń qoldaýymen túsirilgen fılmdermen tanysa alady.
Kıno kórsetilimderi Qaraǵandy qalasynan bastaldy. Aldaǵy ýaqytta basqa da qalalar men aýyldyq eldi mekenderdi qamtıdy, dep habarlaıdy aqshamnews.kz Mádenıet jáne aqparat mınıstrliginiń baspasóz qyzmetine silteme jasap.
Bastamanyń maqsaty – qazaqstandyq kınematografty nasıhattaý jáne keń aýdıtorıaǵa otandyq rejıserlerdiń týyndylaryn tamashalaý múmkindigin usyný. Ásirese, aýyl turǵyndarynyń qatysýyna erekshe nazar aýdaryldy. Osylaısha, olarǵa qazirgi qazaq kınosynyń úzdik shyǵarmalaryn kórýge múmkindik berildi.
Baǵdarlamada elimizdiń mádenı erekshelikteri men ózekti máselelerin arqaý etken ártúrli janrdaǵy fılmder usynylady. Olardyń qatarynda «Jambyl. Jańa dáýir», «Dos-Muqasan», «Operasıa Nabat», «Vremá patrıotov» jáne basqa da kartınalar bar.
Ár fılmniń ózindik tereń maǵynasy bar jáne túrli jastaǵy kórermenderge arnalǵan. Sondaı-aq, kishkentaı kórermender úshin «Taıqazan» anımasıalyq fılmi kórsetiledi.
Aıta keteıik, bıyl onnan astam jańa otandyq fılmniń shyǵýy josparlanǵan. Bul sózsiz, qazaqstandyq kıno óneriniń jankúıerleri úshin qýanyshty jańalyq.
Tolyq aqparatpen Kıno ortalyǵynyń resmı saıtynan tanysýǵa bolady.