Jyldam ósip kele jatqan megapolıs jaǵdaıynda quqyqtyq tártipti jáne qalanyń tótenshe jaǵdaılarǵa daıyndyǵyn qamtamasyz etý erekshe mańyzǵa ıe.
Almaty qalasynyń ákimdigi men «Almaty qalasyn damytý ortalyǵy» AQ «Almaty qalasyn damytýdyń 2025 jylǵa deıingi josparynyń negizgi basymdyqtary jáne 2030 jylǵa deıingi orta merzimdi perspektıvalary» atty jobany jalpy talqylaýǵa usyndy, dep habarlaıdy Almaty-akshamy.kz
Osy maqsatta úsh bastama iske asyrylady.
Almatylyqtardyń qaýipsizdikke degen senimi
Joldaǵy qaýipsizdik
Tótenshe jaǵdaılarǵa (TJ) daıyndyǵy
Almaty quqyq buzýshylyqtar sany boıynsha QR-da 1-shi orynda (10 myń turǵynǵa shaqqanda 192)
2025 jylǵa qaraı qylmystar sanyn 10 myń turǵynǵa shaqqanda 180-ge deıin, 2030 jylǵa qaraı 150-ge deıin tómendetý kózdelip otyr.
TJ-ǵa den qoıý úshin ınfraqurylymmen qamtamasyz etilý deńgeıi – 40%.
2025 jylǵa deıin Aqsaı jáne Aıýsaı ózenderiniń baseınderinde sel ustaıtyn bógetter salý.
Sımýlásıalyq oqý-ádistemelik ortalyqtyń qurylysyn aıaqtaý, TJ qyzmetteriniń sımýlásıalary men oqý jattyǵýlaryn ótkizý.
Mektepterde, ýnıversıtetterde, eńbek ujymdarynda TJ kezinde is-qımyl jáne evakýasıalaý qaǵıdalaryn oqytý.
Qazirgi zamanǵy tehnıkany, órttehnıkalyq qarý-jaraq pen jabdyqty satyp alý, polıortalyqtarda 3 órt sóndirý deposyn salý josparlanyp otyr.
2030 jylǵa deıin
28 seısmostansıa sala otyryp, «Kúshti jer silkinisteri týraly erte habarlaý júıesi» jobasyn iske asyrý;
Qazirgi zamanǵy tehnıkamen, órt-tehnıkalyq qarý-jaraqpen jete jabdyqtaý, sondaı-aq órt depolaryn salý;
Qutqarýshylardyń biliktiligin arttyrý úshin jabyq sport keshenin salý;
TJ kezinde adamı jáne materıaldyq shyǵyndardyń aldyn alý úshin biriktirilgen habarlaý júıelerin engizý jáne damytý;
TJ kezinde ózin-ózi ustaý erejeleri týraly halyqtyń habardar bolý deńgeıin 2025 jylǵa qaraı 60%-ke deıin, 2030 jylǵa qaraı 80%-ke deıin arttyrý kózdelgen.
Almatynyń bolashaǵyna beıjaı qaramańyz. Qaýipsizdikke qatysty óz pikirińizdi 1 shildege deıin tómendegi silteme arqyly «Almaty qalasyn damytý ortalyǵy» AQ saıtynda qaldyryńyz.