Kezdesýde saýda-ekonomıkalyq, ınvestısıalyq jáne mádenı-gýmanıtarlyq salalardaǵy yntymaqtastyqty keńeıtý máseleleri talqylandy.
Prezıdent Qasym-Jomart Toqaev Tatarstan Respýblıkasymen taýar aınalymy bıyl 9 aıda 466 mıllıon dollardan asqanyn aıtty. Memleket basshysy saýda-ekonomıkalyq jáne basqa da salalardaǵy baılanystar nyǵaıyp kele jatqanyna kóńili tolatynyn jetkizdi, dep habarlaıdy Almaty-akshamy.kz Aqordanyń resmı saıtyna silteme jasap.
Rýstam Mınnıhanov Qasym-Jomart Toqaevty Qazaqstan Respýblıkasynyń Prezıdenti laýazymyna qaıta saılanýymen quttyqtady. Sondaı-aq mashına jasaý salasyndaǵy iri jobalar tabysty júzege asyrylyp jatqanyn aıtyp, Tatarstan kompanıasy elimizdiń Saran qalasynda salǵan shına zaýytynan búgin alǵashqy ónim shyqqanyn atap ótti.
Zaýyt kelesi jyly tolyq qýatta jumys isteýdi josparlap otyr. Kásiporyn jylyna jeńil jáne júk kólikterine arnalǵan 3,5 mıllıon dóńgelek shyǵarady. Zaýytta 1,1 myń jumys ornyn ashý qarastyrylǵan, ınvestısıa kólemi – 400 mıllıon dollar.
Qasym-Jomart Toqaev ózara seriktestikti odan ári nyǵaıtýdyń mańyzdy ekenine toqtalyp, elimizdegi birlesken jobalarǵa qoldaý kórsetýdi jalǵastyra beretinin jetkizdi.