Sońǵy jyldary qoǵamdyq tamaqtaný oryndarynda, túngi klýbtar men barlarda kalándy paıdalanǵandy jón sanaıtyn jastar kóbeıip keledi, dep habarlaıdy Almaty-akshamy.kz Polisia.kz-ke silteme jasap.
«Ókinishke oraı, olardyń kópshiligi kalán shegýdiń zıany joq jáne qarapaıym temekige zıansyz balama dep sanaıdy. “Qazaqstan Respýblıkasynyń halyq densaýlyǵy jáne densaýlyq saqtaý júıesi týraly” kodeksiniń 110-baby 5-tarmaǵyna sáıkes, qoǵamdyq tamaqtandyrý nysandarynda jáne demalýǵa arnalǵan oryndarda kalán shegýge tyıym salynady. “Temeki tútininen azat Qazaqstan úshin!” koalısıasymen jáne úkimettik emes uıymdarmen birlesip, biz profılaktıkalyq jáne reıdtik is-sharalar júrgizemiz. Jyl basynan beri qoǵamdyq oryndarda temeki shekkeni úshin QR ÁQBtK-niń 441-baby boıynsha 3851 adam ákimshilik jaýapkershilikke tartyldy, onyń 127-si - kásipkerlik sýbektileri», – dedi Almaty qalalyq PD Jergilikti polısıa qyzmeti basqarmasynyń bastyǵy Erjan Uzabaev.
QR ÁQBtK-niń 441-baby boıynsha buzýshylyqtar anyqtalǵan jaǵdaıda, kalán shegetinderge 15 AEK kóleminde aıyppul salynady.
«Buzýshylyq qaıtalanǵan jaǵdaıda - 20 AEK kóleminde, al mekeme ıelerine - 20-dan 60 AEK-ke deıin aıyppul salynady. Sondaı-aq quqyqbuzýshylyqtyń sebepteri men sharttaryn joıý boıynsha sharalar qabyldaýdy usyný júzege asyrylady», – dedi Uzabaev.