Qatarda fýtboldan álem chempıonatyna qatysyp jatqan Argentına quramasynyń kapıtany Lıonel Messı «Altyn doptyń» basty úmitkeri atandy.
Goal fýtbol saıtynan málim etkenindeı, budan buryn álem chempıonatynda shırek fınaldyq machtardan soń úzdik oıynshy atanǵan L.Messı «Altyn dop» úmitkerleriniń de kóshin bastady, dep habarlaıdy Almaty-akshamy.kz QazAqparatqa silteme jasap.
Messımen «PSJ» klýbynda (Parıj) birge oınaıtyn Fransıa shabýylshysy Kılıan Mbappe ekinshi, norvegıalyq Erlıng Holand («Manchester Sıtı») úshinshi orynda.
«Altyn doptyń» qazirgi ıegeri, «Real» jáne Fransıa quramasynyń shabýylshysy Karım Benzema 20-satyda tur. K.Benzemanyń jaraqatyna baılanysty dúnıejúzilik dodadan tys qalǵany belgili.
Úzdik ondyqqa kiretin «Altyn dop» úmitkerleri:
1. Lıonel Messı (PSJ)
2. Kılıan Mbappe (PSJ)
3. Erlıng Holand («Manchester Sıtı»)
4. Neımar (PSJ)
5. Robert Levandovskı («Barselona»)
6. Vınısıýs Jýnıor («Real»)
7. Kevın de Brúıne («Manchester Sıtı»)
8. Mohamed Salah («Lıverpýl»)
9. Hvıcha Kvarashelıa («Napolı»)
10. Antýan Grızmann («Atletıko»).
14 jeltoqsanǵa qaraǵan túni L.Messı jartylaı fınalda Horvatıamen ótetin oıynǵa Argentına quramasyn bastap shyǵady.