Prezıdentke polıetılen jáne býtadıen óndirisine qatysty jobalardyń júzege asyrylý barysy baıandaldy.
Memleket basshysyna «QazMunaıGaz» kompanıasynyń munaı-gaz hımıasy salasynda júzege asyryp jatqan jobalary jóninde aqparat berildi, dep habarlaıdy Almaty-akshamy.kz Aqordaǵa silteme jasap.
Qazirgi ýaqytta Atyraý oblysyndaǵy polıpropılen shyǵaratyn zaýytty iske qosý jumystary aıaqtalyp keledi. Bul óndiris orny bıylǵy tamyz aıynda iske qosylady dep josparlanyp otyr.
Maǵzum Myrzaǵalıev Qasym-Jomart Toqaevqa «Ózenmunaıgaz» aksıonerlik qoǵamynyń qazirgi jaǵdaıy men damý perspektıvalary, sondaı-aq Mańǵystaý oblysynda áleýmettik turaqtylyqty saqtaý úshin júrgizilip jatqan jumystar jóninde esep berdi. Onyń aıtýynsha, áleýmettik-eńbek qatynastaryna qatysty máselelerdi sheshý, sondaı-aq «QazMunaıGaz» kompanıasynyń enshiles uıymdary qyzmetiniń máseleleri boıynsha jeke jáne zańdy tulǵalardyń ótinishterin qabyldaý maqsatymen Aqtaýda ulttyq kompanıanyń ókildigi ashylǵan. Sonymen qatar Jańaózende balalarǵa bilim berý sapasyn arttyrý jobasy iske asyrylyp jatyr, oqýshylar saraıy men sport alańdarynyń qurylysy júrgizilýde.
«QazMunaıGaz» basshysy Prezıdentke kompanıanyń sheteldik aktıvterin damytý perspektıvalary jóninde baıandady.
Memleket basshysy ınvestısıalyq jobalardy ýaqytyly iske asyrý jáne áleýmettik turaqtylyqty qamtamasyz etý jumystaryn jalǵastyrý jóninde birqatar tapsyrma berdi.