Almaty-1 temirjol vokzalyna deıin metrony damytý boıynsha usynystar daıyndalady.
Almatyda 3 jańa metro stansıasy salynady. Bul týraly shahar basshysy Almaty qalasyn damytýdyń 2025 jylǵa deıingi josparyn talqylaý barysynda aıtty, dep habarlaıdy Almaty-akshamy.kz.
Jobany talqylaýǵa qalanyń qoǵamdyq keńes músheleri, máslıhat depýtattary men sarapshylar qaýymdastyǵy ókilderi qatysty.
«Biz aglomerasıadan kelip, negizgi qaqpalardan kiretin trafıkti jeńildetýge baǵyttalǵan 4 kólik-aýysyp otyrý habyn uıymdastyramyz. Batys baǵytta 3 jańa metro stansıasy salynady. Almaty metrosyn odan ári damytý aıasynda soltústik baǵytta Almaty-1 temirjol vokzalyna deıin metrony damytý boıynsha usynystar daıyndalady»,- dedi Erbolat Dosaev.
Sonymen qatar, ol bıyl qazan aıyna deıin Tóle bı kóshesinde LRT – jeńil relsti kólik quralyn damytý jóninde sheshim qabyldanǵanyn jetkizdi.
«Sondaı-aq velokólikti belsendi qoldaýǵa nıettimiz, sondyqtan jyl saıynǵy qarjylandyrý negizinde kelesi jyldan bastap velojoldardyń uzyndyǵyn 2025 jyly 60 km-ge deıin jáne jyl saıynǵy qarjylandyrýmen 2030 jyly 125 km-ge deıin, ıaǵnı 2 ese ulǵaıtamyz»,- dedi ákim.