Prezıdent Qasym-Jomart Toqaev Qatar Ámiri sheıh Tamım ben Hamad Ál Tánımen telefon arqyly sóılesti.
Áńgime basynda memleketter basshylary birin-biri qasıetti Ramazan aıynyń bastalýymen quttyqtady, dep habarlaıdy Almaty-akshamy.kz.
Kóshbasshylar Qazaqstan men Qatar arasyndaǵy yntymaqtastyqtyń qazirgi jaǵdaıyn talqylap, ony odan ári qaraı damytýdyń qolaıly perspektıvalar bar ekenin atap ótti. Taraptar ózara saýda-sattyqtyń oń qarqynyn odan ári saqtaýǵa jáne ınvestısıalyq jobalardy, sonyń ishinde bank jáne qarjy salalaryndaǵy jobalardy júzege asyrýǵa nıetti ekenin naqtylady.
Qazaqstan Prezıdenti Qatardyń jetekshi bıznes ókilderin ekonomıkanyń basty salalaryndaǵy birlesken jobalardy iske asyrýǵa belsene atsalysýǵa shaqyrdy.
Qatar Ámiri kópjaqty yntymaqtastyqty odan ári keńeıtýge daıyn ekenin aıtyp, osy baǵytta naqty sharalar qabyldaý qajettigin atap ótti. Sheıh Tamım ben Hamad Ál Tánı Qazaqstanǵa jasaıtyn memlekettik saparyn daıyndaý úshin resmı ókilderin jiberýge nıetti ekenin jetkizdi.