Tashkenttegi Grand Slam dodasy odan ári jalǵasýda
Qazaqstandyq dzúdoshy Nurqanat Serikbaev Tashkentte ótip jatqan álemdik Grand Slam jarysynyń kúmis júldegeri atandy. Ol 60 kelige deıingi salmaq dárejesinde synǵa túsip, fınalda tájirıbeli Ońtústik Koreıa sportshysy Kım Von Djınge ese jiberdi, dep habarlaıdy Almaty-akshamy.kz.
Nurqanat Serikbaev atalǵan jarys barysynda barlyǵy bes kezdesý ótkizip, onyń tórteýin jeńispen aıaqtady.
Aldymen BAÁ ókili Mýtaz Haýjahty, odan keıin ázerbaıjandyq Rovshan Alıevti jeńdi. Shırek fınalda ózbekstandyq Dılshotbek Baratovtan basym túsip, jartylaı fınalda 2019 jylǵy álem chempıony, grýzıalyq Lýkýmı Chhvaımıandi ıpponmen jeńdi.
Aıta keterligi, bul 20 jasar Nurqanat Serikbaevtyń eresekter arasyndaǵy alǵashqy júldesi. Ol buǵan deıin 2019 jyly jasóspirimder arasynda álem chempıony atanǵan. Halyqaralyq dzúdo federasıasynyń (IJF) erejesine sáıkes Grand Slam jarysynyń kúmis júldegeri álemdik reıtıńte 700 upaıa ıe bolady.
