Memleket basshysy V Dúnıejúzilik kóshpendiler oıyndaryna arnaıy sport delegasıasyn jibergeni úshin Ázerbaıjan Prezıdentine alǵys aıtty.
Qazaqstan Prezıdenti strategıalyq seriktestik rýhynda damyp kele jatqan ekijaqty saýda-ekonomıkalyq jáne mádenı-gýmanıtarlyq yntymaqtastyqtyń qarqynyn joǵary baǵalady, dep habarlaıdy aqshamnews.kz
Osy oraıda qyrkúıek aıynyń sońynda ótetin Ázerbaıjannyń Qazaqstandaǵy mádenıet kúnderi halyqtar arasyndaǵy birlikti bekemdeýde mańyzdy ról atqaratynyna toqtaldy.
Budan bólek Qasym-Jomart Toqaev Ilham Álıevti Ázerbaıjandaǵy Parlament saılaýynyń tabysty ótýimen quttyqtap, saıası naýqandy Qazaqstannyń ókilderi de baqylaǵanyn atap ótti.
Memleket basshysy Ázerbaıjan men Armenıanyń beıbit kelisimge kelýi úshin Qazaqstan tarapynyń aldaǵy ýaqytta da Almaty alańyn kelissózderge usynýǵa daıyn ekenin rastady.
Óz kezeginde Ilham Álıev Bakýdiń Astanamen ekijaqty qarym-qatynastyń barlyq baǵyty boıynsha yntymaqtastyqty odan ári nyǵaıtý úshin kúsh-jiger jumsaýǵa nıetti ekenin jetkizdi.
Áńgimelesý dostyq ráýishte ótti.